تدوم الصحبة

تدوم الصحبة طول العُمر .. تدوم الصحبة عـ القهوة .. و مـن مدرستى للجامعة .. تدوم الصحبة ساعة الماتش ..تدوم الصحبة فـ التروييش .. تدوم بردوا فـ حط التاتش ..تدوم الصحبة فـ التسخيف .. تدوم بردوا فـ نفس رغيف .. بيتاكل بأيد الصحبة .. من بعده ما بنجوعشى .. تدوم فـ فرقة بكتنا .. فـ كبر عادى يا معلم .. و جرح بيهم ما يوجعشى .. تدوم فـ عزومة فـ البيت ..تدوم فـ اوضتى و الكراكيب .. اللى بتفضل زى ما هى .. و تدوم الصحبة مهما بسيب .. تدوم الصحبة فـ التهييس ..تدوم الصحبة برة البيت و فيه عـ الفيس .. تدوم الصحبة فـ الاسرار.. تدوم الصحبة لو اسيبها .. و تدوم لما بحتاجها .. و رشقالى فـ اى حوار .. تدوم الصحبة فـmention بعمله عـ بوست .. تدوم بيهم فـ اى حوار قررت امشى فيه او دوست

عايز مصر تتغير

عايز #مصر تتغير؟

انزل مظاهرات
الأمن هيضربك؟
مش مهم
فى انتخابات رئاسية
ادعم أيمن نور
مبارك كسب بـ86%
فتنة طائفية فى اسكندرية عشان مسرحية
كمل حلم التغيير
فى مجلس شعب
ادعم الاخوان و المعارضة
الاخوان كسبو 88 كرسى
تكبيير
أيمن نور اتسجن
الطوارىء مستمرة
هيعدلو 3 مواد عشان جمال مبارك يترشح
اعمل اضراب عام و احشد
الاخوان باعوك
مش مهم, انزل 6 ابريل 2008
اليوم سمع مع الناس
اعمل حركة 6 ابريل
دومة اتضرب و اتقبض عليه
مكملين
الشباب بيتقبض عليه و جمال مبارك بقى عينى عينك هينزل
ايه ده واحد واخد نوبل بيقول ممكن ينزل رئاسة؟؟؟
البرادعى حلم التغيير الجديد اللى حرك الشباب كلهم
البرادعى بيتشتم وبعد ما كان فخر لمصر بقى دخل أمريكا العراق و يهودى
مش مشكلة مكملين مع البرادعى
أيمن نور خرج من السجن
حملة توقيعات لتعديل 3 مواد عملها البرادعى
ايه ده الحملة نزلت فى الشارع؟
الشرطة هتعتقل و تضرب
كمل مش مشكلة
الجمعية الوطنية للتغيير
ايه ده فى صورة واحد متعذب شكلها صعب اوى
ازاى الافترا يوصل لكده
لازم نعمل حاجة
كلنا خالد سعيد
انزل مظاهرات
انزل وقفات سلمية
ادى وشك للبحر
امسك مصحف
هيحاصروك
هيضربوك
مش مشكلة
انزل تانى و تالت
انتخابات مجلس شعب لجمال مبارك ؟
البرادعى بيقول متشاركوش بلاش نديهم شرعية
الاخوان و الوفد باعوك
99% حزب وطنى
مش مشكلة
كمل فى حلم التغيير
كنيسة اتفجرت و فتنة جديدة ؟
ايه ده تونس خلعت رئيسها و هرب ؟
ممكن نعمل زيهم ؟
ايه 25 يناير عيد الشرطة يكون يوم لثورتنا
اطبع احشد انزل شارك
عملو يوم وفاء لمبارك اليوم ده؟
انزل ثورتك
ايه كل العدد ده دى أول مرة من زمان نبقى كده
فضو سيدى جابر و التحرير و الأربعين بالقوة
انزل 26 و 27
ناس كتير اتحبست و اتصابت
28 جمعة غضب
قطعو النت و الاتصلات ؟
قتلو الاف الشباب
الأقسام ولعت ؟
المسجونين هربو ؟
النظام سقط ؟
ايه ده الجيش نزل بيضربنا ؟
الجيش و الشعب ايد واحدة
بيان كمان شوية مبارك هيتنحى ؟
هيشيل حكومة نظيف بس ؟
انزل تانى
خطاب تانى
نصبر 9 شهور ؟
الشعب كله عيط و اتعاطف معاه
الشعب كله باعك و عايز استقرار
مش مشكلة انزل عادى
موقعة جمل
اسطول امريكى فى السويس
علاقات جنسية كاملة و بيتزا
حماس و ايران و كنتاكى و تامر بتاع غمرة
الاخوان مع عمر سليمان ؟
كمل الثورة
هيمشى
مش هيمشى
وائل غنيم بيعيط
10 فبراير خطاب مصر كلها اتشلت فيه
11 فبراير احشد ملايين و ده اخر يوم
بيان عمر سليمان
تنحى تنحى
مخلوع
الراجل اللى ورا عمر سليمان
حلم التغيير اتحقق
الجيش و الشعب ايد واحدة
سيبو الميادين العجلة لازم تدور
الجيش ضرب المعتصمين
كشوف عذرية؟
عايز أختى كاميليا و عبير
استفتاء
نعم للجنة لا للنار
غزوة الصناديق
الانتخابات أولا
الاخوان باعوك رابع ؟
مش مشكلة
كمل حلم التغيير
القبض على الشريف و زكريا و سرور
مبارك اتقبض عليه
الله أكبر
عصام شرف لغى التوقيت الصيفى!!
البالون و ضرب فى التحرير
اعتصام يوليو
فض الاعتصام اول رمضان و دخلو الجامع بالجزم؟
الاخوان باعوك
العسكر داسو الناس فى ماسبيرو
التلفزيون بيقول الاقباط هيهدو الجيش انقذو الجيش !!
واحد تخين بكرش نازل الرئاسة و بيدعو لثورة يوم 18-11
وثيقة السلمى
مليوينة قندهار
الاسلاميين خلعو
التخين أبو كرش خلع
هو الشيخ حازم راح فين ؟
اعتصام مصابين لثورة
الاعتصام اتفض بالقوة
انزل احشد
مجزرة محمد محمود
انزلو كل يوم و عند المديريات اشتباك عند مديرية فى اسكندرية
ناس كتير ماتت
بيبوظو العرس الديمقراطى ؟
الانتخابات أولا ؟
يسقط حكم العسكر
العسكر مش هيمشو
الاخوان باعوك سادس
دومة اتسجن تانى
الجنزورى رئيس وزراء ؟
الاخوان و السلف فرحانين و بيدعمو
الاخوان باعوك للمرة المليون ؟
مش مشكلة
مكملين حلم التغيير
انزل اعتصم
الاعتصام اتفض بالقوة ؟
قتلو ناس و سحلو ناس
عرو بنات
الناس مش متعاطفة
الاسلاميين وعكاشة بيقولو نستاهل
ايه اللى وداها هناك ؟
الشعب كله ضدك
خلاص احشد ليوم 25-1-2012 من دلوقتى
اعمل مظاهرات و ندوات
كله بيخون فيك
عسكر و فلول و اخوان ضدك
الاخوان بيهجموك انك اناركى و بقناع بانديتا
البرادعى اعتذر على الرئاسة !!!
مش هيشارك فى لعبة العسكر !!!
بعتنا يا برادعى
حلم التغيير !!؟؟
يوم 25 جه
الثورة الجديدة
ايه عيد الثورة ؟؟
هى الثورة نجحت خلاص ؟؟
الاخوان عاملين منصة و مشغلين اغانى و طراطير
مش عارفين نعمل ثورة ضد العسكر بسبب الاخوان ؟؟
الاخوان ضربو الناس عند مجلس الشعب !!
الثورة ماتت ؟؟
مذبحة فى ستاد بورسعيد
يسقط يسقط حكم العسكر
البرلمان بيتكلم على تحريم الانجليزى و ختان الاناث ؟؟
انتخابات الرئاسة اتحددت خلاص ؟؟
الاخوان نازلين بالشاطر و أبوالفتوح
فى ثوار مقتنعين ان أبو الفتوح مش اخوان !!
كلنا مع صباحى ام انا مقاطع
فرصته ضعيفة
استبعدو الشاطر و ابواسماعيل و ايمن نور ؟؟
الاخوان نزلو واحد تالت, مين ده ؟؟
مناظرة أبوالفتوح و عمرو موسى
حمدين فرصته بقت احسن
الاعادة مرسى و شفيق !!
ان لله و ان اليه راجعون
الثورة ماتت
لسه فى أمل؟
اه انزل الميادين و ارفض النتيجة دى
ايه .. ناس بتقول نعصر ليمون ؟؟
الاخوان نزلو التحرير ؟؟
الاخوان نزلو وسطنا
كل الهتافات ضد شفيق بس مش مرسى كمان !!
هتسكتو على كده ؟؟
مرسى مرشح الثورة !!!
وثيقة عهود و قايمة 100 يوم !!!
يا جدعان الاخوان أخطر من شفيق نفسه !!
لأ .. انت فلول و المقاطعة مش فصالحنا ؟؟
حمدين عايز مصلحته ؟؟
اعلنو مرسى رئيس قبلها ؟؟
مرسى كسب ؟؟
البقاء لله
النور بيقطع كتير
زبالة كتير
جنودنا ماتو ساعة الفطار
اقالة طنطاوى و عنان
مرسى بقى من الثورة
تكريم طنطاوى و عنان و قلادة النيل
الفلول نازلين 24 أغسطس
ملناش دعوة
الـ100 يوم خلصو و خدنا بمبة
انزل جمعة كشف الحساب 12 أكتوبر
الاخوان نازلين ؟؟
الاخوان كسرو منصة التيار الشعبى !!
انزل مصر مش عزبة
ذكرى محمد محمود
الداخلية ضربونا تانى ؟!
جابر و نجيب وناس كتيرها ماتت
مرسى هيقول قرارات ثورية ؟؟
الاخوان نازلين تأييد من قبل ما يعرفو
حصن قراراته !!!
كده ملوش شرعية و شرعيته سقطت
مرسى لازم يتشال لو فى قانون
جبهة انقاذ فيها ثوار و فلول مع بعض !!!
مظاهرات ضد الاعلان الدستورى
الاخوان نازلين مظاهرات تأييد ؟؟
اعتصام الاتحادية
الاخوان هجمو مسلحين ؟
جبنة نستو ؟
قتلو الثوار ؟
مرسى واقف بيتفرج !!
الحسينى مات .. و كالوشا و شيلا و محمد على اتصاب بالحى و شادى و اسلام طلعت اتصابو اصابات بالخرطوش
الدستور اتسلق ؟
هيتعمل استفتاء
مقاطعين
هنقول لأ
النتيجة نعم
حلم التغيير موجود
لازم الاخوان يمشو
حسن مصطفى اتمسك
احشد ليوم 25-1-2013
26 محكمة بورسعيد
نزل عدد كبير
قنابل غاز جديدة
الجندى مات
الموجة الثورية هديت
الاخوان ركبو و دلدلو
تعيينات مجلس الشورى كله اخوان
زوار الفجر رجعو تانى
أحمد دومة اتقبض عليه تالت
الدنيا هديت ؟
كمل حلم التغيير
تمرد
هنلم توقيعات لعزل مرسى
هتتحارب
الاخوان هيضربوك هيشككو فى ارقامك
هيقولك هو كل ميعجبكش رئيس تمشيه
طنشهم
مكملين حلم التغيير
انزل مناطق شعبية
الاخوان هيضربوك
الأهالى هيحموك
أغلب الناس كارهة الاخوان ؟
الشعب كله معانا
الفلول انضمو لينا
الداخلية انضمت لينا ؟
كله حاطط أمل علينا احنا
حطو ارهابى محافظ الأقصر
الاخوان بيهددونا
الارهابيين بيهددونا
الزمر و عاصم عبد الماجد و صفوت حجازى
مؤتمر سوريا و دعاء علينا
خطاب 4 ساعات مرسى و شرشحة نسوان
تهديدات صريحة للمعارضة و القنوات
انزل يوم 30-6
الجيش هيحمينا منهم
عدد محصلش فى العالم قبل كده
اعتصام
الجيش حدد 48 ساعة
مرسى بيهددنا بمصير سوريا
الجيش شال مرسى و حط الطرطور عدلى منصور
الله أكبر
حلم التغيير قرب يتحقق
اعتصام رابعة
عايزين دستور جديد
حزب النور معترض
البرادعى رئيس وزراء
حزب النور معترض
زياد بهاد الدين رئيس وزراء
حزب النور معترض
البرادعى نائب رئيس
الثورة تحكم أخيرا
ثورة
انقلاب
ثورة
أبو الفتوح اتكشف و بيقول ده انقلاب
الاخوان نازلين مظاهرات
مجزرة سيدى جابر 5-7
رمى الأطفال من فوق السطح
فوتوشوب؟؟
الاخوان ضربو نار على الجيش
راح الجيش رادد
الجزيرة زايطة علينا
الجزيرة بتطبل للاخوان
بيقولو مجزرة حرس جمهورى ليومنا دة لسة فى مجازر ؟؟
بيدعو اوباما يلحقهم !!
اختراق كماين فى العريش
ضرب سيناء و عمليات ضد اهلها من يوم عزل مرسى
جنودنا بتموت
الاخوان شمتانين
السيسى طالب تفويض
كلنا ضد الارهاب
اضرب يا سيسى و احنا معاك
مليونية مليونية
الاعلام المصرى بيطبل للسيسى
رايحين يبنو سور فى كوبرى اكتوبر
مات منهم ناس
اشتون سابت البرادعى
الاخوان طالبين تدخل ضد مصر
الاخوان قاطعين طرق و بيضربو الناس
الاخوان مسلحين
رابعة بؤرة ارهاب
هتتفض
مش هتتفض
فى ثوار سيس متعاطفين مع الاخوان ؟؟
ميدان تالت ؟؟
حركة أحرار حازمون بقو ثوار ؟؟
بيشتمو العسكر بس
الاخوان بيقولو مرسى راجع
المفاوضات فشلت
مبادرة الأزهر
الاعتصام اتفض؟
لسه؟
مجارى
اقطعو نور
معسكرات الأمن المركزى اتحركت
ايه أخبار لجنة الدستور ؟
حركة محافظين جديد
كلها عساكر و فلول و حزب وطنى
الثورة ماتت
مكملين
حلم التغيير ؟
فين الثوار ؟
الثوار فيهم سيس بيقولو ده انقلاب
و فيهم ناس بتقول محمود بدر وحش
التحرير اتملى فلول و شرطة
و رابعة اخوان و ارهابيين
و التالت حازمون و مصر القوية "اخوان متنكرين"

بـــــــــــــــــــــــس
روق و اشرب كوباية شاى
كل ده من يوم ما أنا وعيت على السياسة
و من خبرتى القليلة, مفيش فايدة

دي حياتي

حـــابس حياتي فـي سجن عـين بتبص للــماضي بعـشم ..
كلام بـيـملاه السـكون .. و ضحكـ مضروب 100 قــلم ..
قلب عــايش نص حي .. و نص ميت من زمان .. إيد بتمـسكـ فـ اللي جاي .. و عـقل سارح في اللي كان ..
كــأن الوَقت مِــش راضي غـير إنه يــعدي ع الـفاضي .. و لــو جَربت أقــول " عــادي " يـــبان برضه إن أنــا زعـــلان ..
دي آخر دمعة جوايـا .. دي آخر ضحكة حقيقية .. ضحكت الضحكة علي نفسي .. فـ نزلت دمعتي عليا ..
و جيت الدنيا زي ما روحت زي ما جيت .. عشان دايماً كده أتعلق بـأضعف خيط ..
و أقــابل نفسي معرفـنيش .. و لو بصـتلي مفهمنـيش .. وأسيبني في وقت محتاجلي .. أنـا دايماً بضيع مني .. و لو حبيت أقول مالي .. ألاقي الصمت يحلالي ..
و أسكت سكته بتطول عشان رافض أكلمني .. !!

السياسة محتاجة حشاش

شكل الحشيش مرحش مفعوله من بالليل 
اصلى النهاردة اتصدمت بكلام قنديل 
من حمادة لثدى لاغتصاب لاسهال 
مستحيل ...!!
..........
ده كلام اتقال من رئيس جمهورية :
'' انا مع سوريا وضد ايران حتى يسقط النظام''
وتلاقى فى يوم رئيس ايران عندنا 
اصل الحيجة المرة دى..'' لازم نبقى ايد وحدة كلنا ''
ضد الصهينة والعلمانية والامبرالية 
وننسى فى يوم اننا مع القضية السورية
عشان كام مليار هيدخلوا فى الخزانة المصرية..!!
اصله معرفش يشحت من الدول الاوربية
من باب ازهرنا الشريف دخل واحد شيعى جزار
ساعد بشار وسانده فى قتل الثوار
الله على العار قدام العالم لما يجى من الحكام..
كرامتنا خلاص اتهانت وجمعونا مع الاخوان ومتجيش تلوم نفسك
'' أنــــــــــــــــــا ليه أنتخبت الخرفااااااااااان ''
̶K̶.̶s̶✖